貴方(うう゛ぁ)のーてぃ我(ばん)かい ぴらでぃてぃまいにゃーだな
我(ば)ぬぅ一人(たふけー)置(う)つぎー 先(さだ)りーぴずがてぃ
冷(ぴぐ)りーぴす゜おじぃが 顔(みぱな)ゆ撫でぃ
おばぁが目(みー)から 涙(なだ)ぬ落(う)てぃーぴす゜
いつぬ時(とぅきゃ)んまい 二人(ふたーす゜)まーつき
今日(きゅう)がみ歩(あす)きー来(き゜)てぃ のーてぃがー
家(やー)ぬうまかま 貴方(うう゛ぁ)が香ざ 未(んな)だ残(ぬく)りうー
のーてぃ 貴方(うう゛ぁ)すなーし 先(さだ)りぴずがー
貴方(うう゛ぁ)が植(い)びたーブーギ゜まい 見守(みばか)りうたー畑(ばり)まい
つかないうたー馬(ぬーま)まい山羊(ぴんざ)まい
貴方(うう゛ぁ)がみーだか のーばしすーでぃが
起(う)きる 起(う)きてぃ我(ば)が顔(みぱな)ゆ見(み)い笑(あま)いふぃーる
おじぃがみーんふなりから
馬(ぬーま)まい山羊(ぴんざ)まい売(う)う゛ぁれーぴりー
うぬ家(やー)んなおばぁが他(ぷか)んな
誰(とー)まいみーんふなりー
夜(ゆにゃん)なす゜ちか一人(たふけー) タ飯(ゆーず)ゆ喰(ふぉ)うー事(くとぅ)ぬ
あてぃ淋(さび)すかーば 毎日(まいにつ)泣きうたー
汝(うう゛ぁ)が作(つ)ふ 魚(いす゜)ぬ塩(まーす)煮(にー)ぬ
一番(いつばん)んまむぬてぃ
酒小(さきがま)飲(ぬ)んしゃーな 笑(あま)いうたーくとぅ
昨日(き゜ぬ)ぬ事(くとぅ)んだかり 思(うむ)す゜出(でぃ)れーきし
「いくらまい煮(に)いふぃーでぃ
貴方(うう゛ぁ)が戻(たどぅ)り来(く)うでぃやてぃかー」 アアアーア?
日数(ぴかず)やまた過ぎぴりー 涼(すだ)す南風(ばいかじ)ぬ吹きーきしば
おばぁや 曲がりーぴす゜腰(くす)ゆ持(む)たぎ始(ぱず)み
子供達(ふふぁぬきゃん) 孫達(まがぬきゃ)
我(ば)が見守(みばか)りいかた゜かならんてぃ
今日(きゅう)まい 嬉(ぷから)すきなり笑(あま)いーうー
おばぁ ぷじ 今(んなま)からまい 元気(がんづぅ)かりうーてぃ
いつがみまい いつがみまい 長生きゆしーふぃーさまち